Support Mizzima

လွတ်လပ်တဲ့ သတင်းစာပညာဟာ မြန်မာနိုင်ငံမှာ ခြိမ်းခြောက်ခံနေရပါတယ်

အမှန်တရားနဲ့ ဒီမိုကရေစီကို ရှာဖွေရာမှာ သတင်းထောက်တွေဟာ ဆင်ဆာဖြတ်တောက်မှု၊ ဖမ်းဆီးမှုနဲ့ အသက်သေဆုံးမှုအန္တရာယ်တွေကိုတောင် ရင်ဆိုင်နေရပါတယ်။ 

Donate now & stand with us!

မဇ္ဈိမ

၁၉၈၈ ခုနှစ် ဒီမိုကရေစီအရေးတော်ပုံကြီးတွင် ပါဝင် ဦးဆောင်ခဲ့သူများက မဇ္ဈိမကို အိန္ဒိယနိုင်ငံ နယူးဒေလီမြို့တွင် ၁၉၉၈ ခုနှစ်တွင် စတင်တည်ထောင်ခဲ့ကြသည်။ အကျိုးအမြတ်ကို အဓိကမထားသော ပြည်ပအခြေစိုက်မီဒီယာအဖြစ် ၁၅ နှစ်ကြာ ရပ်တည်ခဲ့ပြီးနောက် မဇ္ဈိမသည် ၂၀၁၂ ခုနှစ် မတ်လတွင် မြန်မာနိုင်ငံအတွင်းသို့ တရားဝင် ပြောင်းရွှေ့ကာ ပုဂ္ဂလိက ကုမ္ပဏီအဖြစ် မှတ်ပုံတင်ခဲ့ရာ မြန်မာနိုင်ငံအတွင်း ပထမဆုံး ဝင်ရောက်လာခဲ့သည့် ပြည်ပအခြေစိုက် မြန်မာမီဒီယာဖြစ်ခဲ့သည်။ မြန်မာ့မီဒီယာအခင်းအကျင်း၏ အရေးပါသော အစိတ်အပိုင်းတစ်ခုအနေဖြင့် မြန်မာနိုင်ငံ၏ လွတ်လပ်သော ထိပ်တန်းမီဒီယာသုံးခုတွင် မဇ္ဈိမသည် တစ်ခုအပါအဝင် ဖြစ်ခဲ့သည်။ ၂၀၂၁ ခုနှစ် ဖေဖော်ဝါရီ ၁ ရက် စစ်အာဏာသိမ်းမှုအပြီးတွင် မဇ္ဈိမသည် မြန်မာနိုင်ငံအတွင်း တရားဝင်လည်ပတ်လုပ်ဆောင်ခွင့် ပိတ်ပင်ခံခဲ့ရပြီး၊ မြန်မာနိုင်ငံအတွင်း လျှို့ဝှက်လုပ်ဆောင်ရပြီး၊ ပြည်ပမှ ပံ့ပိုး လုပ်ဆောင်ရသော ပုံစံကို ထပ်မံ ရွေးချယ်ခဲ့ရပြန်သည်။

၂၀၂၁ ခုနှစ် စစ်တပ်မှ အာဏာသိမ်းပြီးနောက်ပိုင်း မြန်မာပြည်သူများအတွက် မဇ္ဈိမ သည် ယုံကြည်စိတ်ချရဆုံးသော၊ အများစုလက်လှမ်းမီသော သတင်းရင်းမြစ် အဖြစ် ယခုအခါအသိအမှတ်ပြုခံထားရပြီးဖြစ်ပါသည်။ မဇ္ဈိမ  ပင်မ Facebook စာမျက်နှာတွင် စောင့်ကြည့်ဖတ်ရှုသူ (followers) အရေအတွက် ၂၁ သန်းကျော်၊ မဇ္ဈိမ  YouTube သည် subscriber ၂ သန်းကျော် ရှိပြီး၊  မြန်မာဘာသာ ဖြင့် ဒစ်ဂျစ်တယ်နေ့စဉ်သတင်းစာ မဇ္ဈိမ အက်ပ်၊ အပတ်စဉ် အင်္ဂလိပ်ဘာသာမဂ္ဂဇင်း၊ FM ရေဒီယို နှင့် လှိုင်းတို ရေဒီယိုတို့ကိုလည်း ထုတ်လွှင့်လျက် ရှိပါသည်။ မဇ္ဈိမ ရေဒီယိုနှင့်ရုပ်သံ ထုတ်လွှင့်မှုတို့ကို လူပေါင်း ၃၂ သန်းခန့် ကြည့်ရှုနားထောင်နေကြသည့်အပြင် အခြားမြောက်များစွာသော မဇ္ဈိမ ဒစ်ဂျစ်တယ်နှင့် အွန်လိုင်း ပလက်ဖောင်းများတွင် ကြည့်ရှုနိုင်ကြသည်ကိုလည်း အောက်ပါ ဇယားတွင် အကျဉ်းဖော်ပြထားပါသည်။